Քո ուսուցիչը Արցախից

Այս կորուստներին զուգահեռ սկսվեցին մի շարք դժվար կամ գրեթե անհաղթահարելի մարտահրավերները․ հոգեբանական և էմոցիոնալ հավասարակշռության վերգտնում, մի շարք իրավական մարտահրավերներ, սոցիալական ինտեգրման մարտահրավերներ և այլն։

Եվ այս նոր իրավիճակն ոչ միայն հենց արցախցիների մարտահրավերն է, այլ մեր բոլորիս՝ հայաստանաբնակ և աշխարհասփյուռ հայերի․ եկել է ժամանակը ցույց տալու մեր ժողովրդի կամքը, միասնականության հզորությունն ու միմիյանց սատարելու մեր ազգային այն հատկությունն, որն առավելագույնս դրսևորվում է ճգնաժամային իրավիճակներում։

Չնայած կենցաղային, սոցիալական, աշխատանքային և հոգեբանական սուր խնդիրներին, ինչպես նաև դրանց լուծմանն ուղղված կառավարության ջանքերին և իմանալով արցախցու անկոտրուն բնավորությունն ու արարելու ունակությունը՝ չպետք է մոռանալ արցախահայությունը շարունակում է մնալ մեր ազգի մեծագույն ներուժ ունեցող ներկայացուցիչ:

Չպետք է մոռանալ այդ ներուժն ու ամբողջովին գիտակցելով համայն հայության աջակցության կարևորագույն դերը՝ մեր հայրենակիցների կյանքում կայունության և ապագայի հետ հույսի զգացումի վերականգմանն ուղղված յուրաքանչյուրիս անելիքները։

Ուստի Հայաստանի Հանրապետության կյանքի բոլոր ոլորտներին արցախահայության ինտեգրումը կարևոր խնդիր է. նման ջանքերը պետք է դիտարկել որպես առաջնահերթ կարևորություն։ Աջակցելով մեր հայրենակիցներին բոլոր հնարավոր ոլորտներում և ապահովելով նրանց ինտեգրումը հայ հասարակությանը` չպետք է մոռանանք նրանց արժանապատվության և ինքնության պահպանման անհրաժեշտությունը։ Միմիայն այդ դեպքում է հնարավոր իսկապես օգնել արցախցիներին և դրանով իսկ ապահովել նրանց նպաստմանը Հայաստանի ապագային:

Մենք՝ Հայաստանի Հեռավար Ուսուցման հարթակն, արդեն սկսել ենք մեր աջակցությունը մեր հայրենկիցներին՝ արցախցիներին՝ ներգրավվելով նրանց մեր հարթակում։ Հարթակի նպատակն է կամրջել Հայասանն ու աշխարհասփյուռ հայությունը՝ կրթության միջոցով։