Հայերեն բոլորի համար
Ծրագիրը ներառում է հայոց լեզվի ուսուցում սովորողի նախընտրած մակարդակով՝ սկսած տառուսուցումից մինչև բուհական մակարդակ:
Այս դասի մեկ ժամի արժեքն է՝ 15 Եվրո
Դասընթացի բովանդակությունը պայմանավորված է նրանով, թե ինչ մակարդակի գիտելիքներ ունի աշակերտը, ինչ նպատակներ ունի, որոնք են դասընթացին մասնակցելու դրդապատճառներն ու ակնկալվող արդյունքները։
Դասընթացի ընթացքում սկսնակ աշակերտները կդառնան տառաճանաչ, կսովորեն հայերեն բառեր, կկարողանան կապակցված խոսք կազմել։
Հայերենին տիրապետող աշակերտները կզարգացնեն բառաֆոնդը, կկարողանան ավելի անկաշկանդ արտահայտել մտքերն ու հեշտ հաղորդակցվել, ընթերցել հայերեն բնագրեր, վերարտադրել ու վերլուծել ընթերցածը։
Սկզբից պետք է կատարվի աշակերտի գիտելիքի մակարդակի գնահատում, կազմվի անհատական ուսումնական պլան ու առաջնորդվելով դրանով՝ իրագործվի ուսուցման գործընթացը։
Առաջնորդվելով ծրագրով՝ ամեն դասի ընթացքում կներկայացվի տրված թեման։ Կքննարկվեն դասի տեսական ու գործնական մասերը։ Կկատարվեն տարբեր տեսակի վարժություններ, որոնց համար կկիրառվեն տարբեր տեսակի գրքեր, քարտեր, տեսասահիկներ, օնլայն գործիքներ։
Ամեն դասի վերջում պետք է կատարվի մատուցված նյութի կշռադատում, որով հասկանալի կլինի, թե տրված նյութը ինչ մակարդակով է ընկալել սովորողը։ Անհասկանալի ու մութ հարցերը նորից կքննարկվեն։
Դասընթացի գրականությունը ընտրվելու է՝ հաշվի առնելով տվյալ սովորողի նպատակները։ Եթե դասապատրաստում է, անց է կացվելու սովորողի դպրոցական դասագրքով։ Մնացած դեպքերում դասը անց է կացվելու ուսուցչի առաջարկած ու պլանավորած գրականությամբ։
Դասընթացը նախատեսված է հայոց լեզվի ավարտական և միասնական քննություն հանձնող աշակերտների համար, հայերենով հետաքրքրված յուրաքանչյուր մարդու համար։ Ներառում է հայոց լեզվի բոլոր բաժինների ուսուցանում մատչելի լեզվով և հետաքրքիր հնարներով ՝ նպատակ ունենալով սեր արծարծել հայերենի և նրանով ստեղծված բարձրարժեք գրականության նկատմամբ։
Սույն դասընթացը ներառում է հայոց լեզվի բոլոր բաժինները՝ հնչյունաբանություն, բառագիտություն, ձևաբանություն և շարահյուսություն։ Հայ գրականությունն ընդգրկում է հին և միջնադարյան շրջանները, նոր գրականությունը և նորագույն գրականությունը։
Ծրագիրը ներառում է հայոց լեզվի ուսուցում սովորողի նախընտրած մակարդակով՝ սկսած տառուսուցումից մինչև բուհական մակարդակ:
